36
நடிகர் ரஜினிகாந்த்தின் 171-வது திரைப்படமான ‘கூலி’ பான் இந்தியா படமாக உருவாகி வருகிறது. இப்படத்தை சன் பிக்சர்ஸ் தயாரித்து வருகிறது. இந்த படத்தை இயக்குனர் லோகேஷ் கனகராஜ் இயக்குகிறார்.
இப்படத்தில் ரஜினியுடன் சவுபின் ஷாயிர், நாகர்ஜுனா, சுருதிஹாசன், சத்யராஜ், உபேந்திரா உள்ளிட்டோர் நடித்து வருகின்றனர்.
சமீபத்தில் உடல் நலக்குறைவால் பாதிக்கப்பட்டு மருத்துவமனையில் சிகிச்சை பெற்று குணமடைந்த ரஜினிகாந்த் தற்போது ‘கூலி’ படத்தின் படப்பிடிப்பு பணியில் ஈடுபட்டு வருகிறார்.
இந்நிலையில் ‘கூலி’ படத்தின் ரிலீஸ் குறித்த அப்டேட் ஒன்று வெளியாகி உள்ளது. அதன்படி, இப்படம் அடுத்த ஆண்டு கோடை காலத்தில் வெளியாகும் என்று கூறப்படுகிறது. விரைவில் இப்படம் குறித்த அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.