38
சிவகார்த்திகேயன் நடிப்பில் நாளை வெளியாகவுள்ள திரைப்படம் ‘அமரன்’. இப்படத்தை ராஜ்குமார் பெரியசாமி இயக்கியுள்ளார். இதில் நடிகை சாய் பல்லவி கதாநாயகியாக நடித்துள்ளார்.
சமீபத்தில் இந்த படத்திற்கான டிக்கெட் முன்பதிவுகளும் தொடங்கப்பட்டு விறுவிறுப்பாக நடைபெற்று வருகிறது. சிவகார்த்திகேயனின் முந்தைய படங்களை விட அமரன் திரைப்படம் அதிக வசூலை குவிக்கும் என்று எதிர்பார்க்கப்படுகிறது.
இந்நிலையில் அமரன் திரைப்படம் உலகம் முழுவதும் கிட்டத்தட்ட 900-க்கும் அதிகமான திரையரங்குகளில் வெளியாவதாக படத்தின் இயக்குனர் ராஜ்குமார் பெரியசாமி தெரிவித்துள்ளார்.
சிவகார்த்திகேயன் நடித்த படங்களிலேயே முதல் முறையாக அமரன் திரைப்படம் அதிகமான திரையரங்குகளில் வெளியாவது குறிப்பிடத்தக்கது.