பிரபல நடிகர் டெல்லி கணேஷ் காலமானார்..!!

தமிழ் சினிமாவின் முன்னணி நடிகரான டெல்லி கணேஷ், வயது முதிர்வு மற்றும் உடல்நலக்குறைவால் காலமானார். அவரது வயது 80.

சென்னை ராமபுரம் செந்தமிழ் நகரில் உள்ள அவரது இல்லத்தில் நேற்று இரவு 11.30 மணியளவில் அவர் காலமானார். டெல்லி கணேஷின் உடலுக்கு பலரும் அஞ்சலிகளை செலுத்தி வருகின்றனர்.

1944 ஆம் ஆண்டு திருநெல்வேலியில் பிறந்த டெல்லி கணேஷ், 400 க்கும் மேற்பட்ட திரைப்படங்களில் நடித்துள்ளார். நடிகராக வருவதற்கு முன்பு , 1964 முதல் 1974 வரை இந்திய விமானப்படையில் பணியாற்றியுள்ளார்.

குணச்சித்திர வேடங்களில் மட்டுமல்லாமல், நகைச்சுவை கதாபாத்திரங்களில் சிறப்பாக நடித்து தனித்துவம் பெற்றவர் டெல்லி கணேஷ்.

தமிழ், தெலுங்கு, மலையாளம் உள்ளிட்ட பல மொழிகளில் அவர் நடித்துள்ளார். மேலும், தொலைக்காட்சி தொடர்களிலும் அவர் நடித்துள்ளார்.