ஆடு மேய்த்து கொண்டிருந்த பெண்கள் மீது மோதிய கார் – 5 பேர் பலி

செங்கல்பட்டு மாவட்டம் திருப்போரூர் அருகே ஆடு மேய்த்து கொண்டிருந்த பெண்கள் மீது அதிவேகமாக வந்த கார் அவர்கள் மீது மோதியது.

இந்த விபத்தில் 5 பெண்கள் உடல் நசுங்கி சம்பவ இடத்திலேயே உயிரிழந்தனர். இந்த 5 பேரும் பண்டிதமேடு பகுதியை சேர்ந்தவர்கள் என அடையாளம் காணப்பட்டுள்ளனர்.

உயிரிழந்த பெண்களின் உறவினர்கள் காரை ஓட்டி வந்த நபரை பிடித்து தாக்கியுள்ளனர். காரை ஓட்டி வந்த நபர் குடிபோதையில் இருந்ததாக தகவல் வெளியாகி உள்ளது.

இந்த கார் விபத்து தொடர்பாக இருவரை பிடித்து போலீசார் விசாரணை நடத்தி வருகின்றனர்.