11 மீனவர்களுக்கு 2 ஆண்டுகள் சிறை தண்டனை : இலங்கை நீதிமன்றம் உத்தரவு

புதுக்கோட்டை மாவட்டத்தைச் சேர்ந்த 15 மீனவர்களை எல்லை தாண்டி மீன்பிடித்ததாகக் கூறி இலங்கை கடற்படை கைது செய்தது. பின்னர், அவர்களை சிறையில் அடைத்தனர்.

இந்த சூழலில், இன்று ஊர்க்காவல் நீதிமன்றத்தில் 15 மீனவர்களும் ஆஜரானார்கள். அப்போது, 11 மீனவர்களுக்கு 2 ஆண்டு சிறைத்தண்டனை விதிக்க நீதிபதி உத்தரவிட்டார்.

11 மீனவர்கள் 2-வது முறையாக சிறையில் அடைக்கப்பட்டதால், அவர்களுக்கு சிறைத்தண்டனை விதிக்கப்படுவதாகவும், புதியதாக கைதான 4 மீனவர்களை நிபந்தனையுடன் விடுதலை செய்வதாகவும் நீதிபதி தெரிவித்துள்ளார்.