கிடுகிடுவென உயர்ந்த தங்கத்தின் விலை…நகைப்பிரியர்கள் அதிர்ச்சி

கடந்த அக்டோபர் மாதத்தில் ஆபரணத்தங்கத்தின் விலை உயர்ந்து, வரலாறு காணாத உச்சத்தை அடைந்தது. ஒரு சவரன் ரூ.60 ஆயிரத்தை விரைவில் எட்டும் என எதிர்பார்க்கப்பட்ட நிலையில், விலை திடீரென குறைந்து பெண்கள் மத்தியில் மகிழ்ச்சி ஏற்படுத்தியது.

இந்த நிலையில், நேற்றும், இன்றும் தங்கத்தின் விலை திடீரென உயர்ந்துள்ளது. நேற்றைய தினம் (நவ.18) சவரன் 480 ரூபாய் உயர்ந்தது. இன்றைய தினமும் தங்கத்தின் விலை ஒரு சவரன் 560 ரூபாய் உயர்ந்துள்ளது.

ஆபரணத் தங்கம் சவரன் ரூ.56,520க்கும், ஒரு கிராம் தங்கம் ரூ.7065க்கும் விற்பனையாகி வருகிறது. நேற்றும், இன்றும் மட்டும் ஒரு சவரன் ரூ.1040 அதிகரித்துள்ளது.

தங்கத்தின் விலை மீண்டும் உயரத் தொடங்கியதால், பெண்கள் அதிர்ச்சி அடைந்துள்ளனர்.