பிரித்விராஜ் நடிப்பில் கடந்த மார்ச் மாதம் உலகம் முழுவதும் வெளியான படம் ஆடு ஜீவிதம்- GOAT LIFE. இந்த படத்தில் பிரித்விராஜுடன் இணைந்து அமலா பால் முக்கிய கதாபாத்திரத்தில் நடித்திருந்தார்.
பிளஸ்ஸி இயக்கியிருந்த இந்த படத்திற்கு ஏ ஆர் ரகுமான் இசையமைத்திருந்தார். இப்படம் ரசிகர்கள் மத்தியில் நல்ல வரவேற்பை பெற்றதுடன் வசூலிலும் சாதனை படைத்தது. குறிப்பாக ஏ.ஆர் ரஹ்மானின் இசை படத்திற்கு பலம் சேர்த்தது.
இந்நிலையில் அமெரிக்காவின் லாஸ் ஏஞ்சல்ஸில் நடைபெற்ற HOLLYWOOD MUSIC AND MEDIA AWARDS விழாவில் சிறந்த வெளிநாட்டு படத்திற்கான பிரிவில் ஆடு ஜீவிதம் படத்திற்காக சிறந்த பின்னணி இசைக்கான விருதினை ஏ.ஆர் ரஹ்மான் வென்றுள்ளார்.
இந்த விருதை பெரும் முதல் இந்தியர் என்ற பெருமையையும் ஏ.ஆர் ரஹ்மான் பெற்றுள்ளார். ஏ.ஆர் ரஹ்மான் ஏற்கனவே ஆஸ்கர் விருது, தேசிய விருது என பல விருதுகளை அள்ளியிருக்கும் நிலையில் தற்போது இவருக்கு கிடைத்திருக்கும் இந்த ஹாலிவுட் விருது ரசிகர்கள் மத்தியில் மகிழ்ச்சியை ஏற்படுத்தியுள்ளது.