71
மதுரை ஒத்தக்கடை பகுதியில் உள்ள ஜெராக்ஸ் கடையில் பணியாற்றி வரும் இளம்பெண்ணை இளைஞர் சித்திக் ராஜா என்பவர் தாக்கியுள்ளார். காதலிக்க வற்புறுத்தி அந்த பெண்ணை சித்திக் ராஜா தாக்கியுள்ளதாக தகவல் வெளியாகி உள்ளது. இந்த சம்பவம் கடந்த நவம்பர் 17ம் தேதி நடந்துள்ளது.
பலத்த காயமடைந்த அப்பெண் மதுரை ராஜாஜி அரசு மருத்துவமனையில் அனுமதிக்கப்பட்டு சிகிச்சை பெற்று வருகிறார். இந்த தாக்குதல் சம்பவம் குறித்து ஒத்தக்கடை போலீசார் விசாரணை நடத்தி வருகின்றனர்.
நேற்று தஞ்சாவூர் மாவட்டத்தில் அரசுப் பள்ளி ஆசிரியை ஒருவர் பள்ளியின் உள்ளேயே கொலை செய்யப்பட்ட சம்பவத்தின் அதிர்ச்சி அடங்குவதற்குள், மதுரையில் காதலிக்க மறுத்த இளம்பெண் மீது தாக்குதல் நடத்தும் சிசிடிவி வீடியோ வெளியாகி தமிழகத்தில் அதிர்வலைகளை ஏற்படுத்தி உள்ளது.