சிவகார்த்திகேயன் நடித்த அமரன் திரைப்படம் தீபாவளி பண்டிகை அன்று ரிலீஸ் ஆகிறது. இப்படத்தை ராஜ்குமார் பெரியசாமி இயக்கியுள்ளார். கமல்ஹாசனின் தயாரிப்பில் உருவான இப்படம் ராணுவ வீரர் முகுந்த் வாதராஜனின் வாழ்க்கை வரலாறு திரைப்படமாக உருவாகியுள்ளது.
விஜய் நடிப்பில் வெளியான GOAT படத்தில் சிவகார்த்திகேயன் சிறப்பு தோற்றத்தில் நடித்திருந்தார். அந்த காட்சியில் விஜய் பேசும் வசனங்களை வைத்து, விஜய்யே தன் இடத்தை சிவகார்த்திகேயன் தான் நிரப்புவார் என கூறிவிட்டார் என்பது போல ஆகிவிட்டது.
இந்நிலையில் சமீபத்தில் அமரன் படத்தின் ப்ரோமோஷன் நிகழ்ச்சிக்காக சிவகார்த்திகேயன் கோவைக்கு சென்றிருந்தார். அங்கு அவரிடம் விஜய் அரசியலில் நுழைந்துவிட்டார்.அதுபோல நீங்கள் எப்போது அரசியலுக்கு வருவீர்கள் என கேள்வி கேட்கப்பட்டது.
இதற்கு பதிலளித்த சிவகார்த்திகேயன் “அதைப்பற்றி எல்லாம் நான் யோசித்தது கூட கிடையாது. இன்னும் சினிமாவில் சாதிக்க வேண்டிய விஷயங்கள் நிறைய உள்ளது என கூறிவிட்டார். தற்போது சிவகார்த்திகேயன் இவ்வாறு பேசியது இணையத்தில் வைரலாகி வருகின்றது.