முதல் நாளிலேயே கோடிக்கணக்கில் வசூலை அள்ளிய அமரன்

ராஜ்குமார் பெரியசாமி இயக்கத்தில் சிவகார்த்திகேயன் நடித்த ‘அமரன்’ திரைப்படம் நேற்று உலகம் முழுவதும் வெளியானது. சிவகார்த்திகேயன் மேஜர் முகுந்து வரதராஜன் கதாபாத்திரத்தில் நடிக்க அவருக்கு ஜோடியாக இந்து ரெபேக்கா வர்கீஸ் கதாபாத்திரத்தில் சாய்பல்லவி நடித்திருக்கிறார். 

இப்படத்திற்கு ரசிகர்கள் மத்தியில் நல்ல வரவேற்பு கிடைத்துள்ளது. இந்நிலையில் படத்தின் முதல் நாள் வசூல் குறித்த தகவல் வெளியாகி உள்ளது.

அதன் படி இப்படம் தமிழகத்தில் மட்டும் ரூ.15 கோடி ரூபாய் வசூல் செய்துள்ளது. இந்திய அளவில் ரூ.21.25 கோடி ரூபாய் வசூல் செய்துள்ளது. மேலும் உலகளவில் மொத்தம் ரூ.42.3 கோடி ரூபாய் வசூல் செய்துள்ளது.

படத்திற்கு நல்ல வரவேற்பு இருப்பதால் இனி வரும் நாட்களில் நல்ல வசூல் கிடைக்கும் என எதிர்பார்க்கப்படுகிறது.